Aldees Dixitales \ Qué son
Qué son Allugamientu Rede d'Aldees Equipamientu Utilidaes Patrocinadores

Les Aldees Dixitales son espacios públicos que tán dotaos teunolóxicamente con equipamientu d'última xeneración y que tienen l'envís de facilitar l'accesu de la población a la Sociedá de la información.

Estos equipamientos telemáticos constitúin l'emblema del Plan Estratéxicu “C@rreño Digit@l” (2000-2006), www.carrenodigital.net, el primeru aprobáu por un conceyu español pa dotar d'infraestructures de banda ancha y equipamientos telemáticos a tol so territoriu, rural y urbanu, incorporando a tola población al manexu y usu d'Internet. Esta implantación de la sociedá de la información básase na participación ciudadana y na corresponsabilidá na xestión.

Son les Asociaciones de Vecinos les que deciden disponer d'espacios telemáticos -d'usu públicu y de baldre- nes sos aldees. Formalicen el so compromisu firmando'l “Contratu Teunolóxicu”, aceutando xestionar desinteresadamente l'Aldea Dixital siguiendo'l modelu establecíu: formase, sensibilizar a los vecinos y consiguir unos resultaos d'utilización de los equipos.

L'usu de les Aldees Dixitales empobínase a los vecinos y la comunidá escolar de les aldees y parroquies rurales de Carreño, facilitando tamién la so utilización con fines turísticos y empresariales.

Ye'l más xenuino esponente de la collaboración ente instituciones, empreses locales y vecinos. Les Aldees Dixitales de Carreño amuesen la idea descentralizadora y de promoción territorial que tien tol Plan Carreño Dixital, posibilitando y priorizando l'averamientu de les nueves teunoloxíes a los espacios rurales como elementu xenerador de nueves actividaes económiques.

Esti singular entamu recibió la calificación de “ Buena Práctica ” en materia de Promoción del Emplegu pol Gobiernu d'Asturies, y distinguiéronlu col Computer WORLD 2002 nela categoría de “Esfuerzo Modernizador”.